分析观点

利物浦目前争欧冠资格场场要搏，上场打吡战赢咗爱华顿，士气正盛。最大隐忧系门将荒，阿里臣继续养伤，马马达舒韦利上仗都伤埋，三号门将活特曼要临危受命，呢个位系唯一嘅定时炸弹。加上早几日就宣布光头教练继续留任，对利物浦究竟系好事定系坏事，真系不得而知。好在对手水晶宫稳居中游，无欲无求，个心一早飞去下星期嘅欧协联四强，作客乌克兰打矿工，呢场未必会同你搏命。往绩上利物浦近四次对水晶宫2平2负未赢过.艾当禾顿上场受伤离场，听晚唔知上唔上到。但今时唔同往日，对手战意成疑。利物浦呢三分係硬指标，接落黎对手曼联（双红会，作客奥托福唔好打）车仔（新教练新官上任唔知会唔会打鸡血）维拉（可能分心爱美丽杯）宾福特（去到末轮唔知情况有无变），全部上半版，而且都系欧冠席位竞争对手，场场都系硬野，呢场挑个无欲无求既争取拿三分系情理之中。利物浦应该可以赢波，但入波唔会太多。